Voorsittersverslag 2011 - 2012

Dit is vir my ‘n voorreg om aan die einde van die vyfde bestaansjaar van die AHI Bloemfontein die Voorsittersverslag aan u te lewer.

1. Inleiding

As inleiding wil ek graag ‘n kort oorsig gee van enkele ekonomiese faktore waarbinne die sake-gemeenskap funksioneer:

Die Monetêre Beleidskomitee van die Reserwebank het die repokoers vir die laaste sestien maande op 5.5% gehou  wat kapitaal bekostigbaar maak.  Inflasie bly bo die boonste grens van 6% wat deur die Reserwebank gestel word. Indien die mikpunt van onder 6% bereik kan word, bestaan daar die moontlikheid om korttermynrentekoerse selfs tot in 2013 dieselfde te hou.

Die hoër olieprys het nou deurgesypel na elke besigheid en kommoditeit met die gevolg dat verbruikers genoodsaak is om hul bestedingspatrone aan te pas.

‘n Groeikoers van nie hoër as 3% word vir 2012 in die vooruitsig gestel.  Plaaslike groei sal hoofsaaklik aan die owerheidsektor se infrastruktuurbesteding te wyte wees.  Private verbruiksbesteding kan in ‘n mindere mate ‘n bydrae tot groei lewer afhangende van die styging in lone en salarisse.

Opleiding- en onderwysprobleme bly ‘n werklikheid in terme van die standard en die aard van opleiding.  Dit lei nie net tot groot tekorte in sekere sektore nie, maar sal beslis ‘n bydrae lewer tot die alreeds hoë werkloosheidssyfer.

Lees meer