|
Voordele van lidmaatskap
Die volgende is 'n paar van die vernaamste voordele wat lidmaatskap van AHI
Bloemfontein inhou -
- Die Kamer is 'n inligtings- en verwysingsbron vir lede;
- AHI Bloemfontein het via die AHI toegang tot die President en sy Kabinet;
- Die Kamer bied geleenthede vir netwerkskepping met ander
sakelui en met owerheidsinstansies op plaaslike en provinsiale vlak;
- Deur middel van lede-kommentaar en insette ten opsigte van wetgewing en beleid is daar
betrokkenheid by owerheidsbesluite;
- Dokumentasie op plaaslike, provinsiale en nasionale vlak, wat alle vlakke van die sakesektor raak, word aan lede versprei;
- Inligting word deur middel van 'n nuusbrief en verslae aan lede versprei;
- Nuwe lede word gratis in die nuusbrief bekendgestel;
- Lede het toegang tot AHI Bloemfontein-webblad, wat die vloei van sake-inligting vergemaklik;
- Buitelandse handelsgeleenthede word op 'n gereelde basis onder lede se aandag gebring;
- Lede het die geleentheid om die Nasionale Kongres en ander funksies van die AHI by te woon en dit bied geleentheid om sakekontakte en kennis te verbreed;
- Lede kan deelneem aan buitelandse besoeke en sendings wat van tyd tot tyd deur die AHI gereël word, waartydens kontak met buitelandse sakelui gemaak word;
- 'n Adreslys van korporatiewe- en sakelede van AHI Bloemfontein is op aanvraag beskikbaar;
- Die jaarlikse ledegeld vir lidmaatskap is van belasting aftrekbaar;
- Inligtingsessies en geleenthede oor 'n verskeidenheid fasette van die sakelewe word gereeld deur die Bestuur vir lede gereël.
|
